Saħħa Pubblika

Biex is-saħħa pubblika ssir prijorità Ewropea

Minn dejjem tlabna li tinħoloq Unjoni Ewropea tas-Saħħa li ġġib magħha benefiċċji reali għaċ-ċittadini tal-UE. Dan il-Kumitat jgħinna noqorbu lejn dan l-għan.

F’Diċembru 2024, il-gruppi politiċi tal-Parlament Ewropew iddeċidew li jbiddlu s-Sottokumitat għas-Saħħa Pubblika f’kumitat permanenti. Dan huwa l-ewwel kumitat permanenti, leġiżlattiv u indipendenti għas-saħħa pubblika fl-istorja tal-Parlament Ewropew.

Skont il-kompetenzi u r-responsabbiltajiet tiegħu, il-Kumitat se jieħu ħsieb kwistjonijiet ta’ saħħa pubblika li jikkonċernaw prodotti farmaċewtiċi u apparat mediku, programmi u azzjonijiet speċifiċi, preparazzjoni u reazzjoni għal kriżijiet ta’ saħħa, saħħa mentali u drittijiet tal-pazjenti, aspetti ta’ saħħa mil-lat ta’ bijoterroriżmu, l-Aġenzija Ewropea għall-Mediċini u ċ-Ċentru Ewropew għall-Prevenzjoni u l-Kontroll tal-Mard, kif ukoll ir--relazzjonijiet mal-Organizzazzjoni Dinjija tas-Saħħa.

Huwa wkoll kruċjali li jissaħħu l-politiki tal-UE relatati mas-saħħa, jiġi indirizzat in-nuqqas ta’ mediċini, jitjiebu l-kura u l-prevenzjoni tal-mard, tissaħħaħ il-katina ta’ provvista u tiġi promossa l-kooperazzjoni transfruntiera biex l-UE tkun ippreparata għall-kriżijiet ta’ saħħa futuri b’mod mill-aqwa.