Inti teleġġi lill-MEPs lokalment biex jirrappreżentaw ir-reġjun u l-partit nazzjonali fuq livell Ewropew. Membri minn kull Stat Membru tal-UE jiġu flimkien fi gruppi politiċi Ewropej li jaħsbuha l-istess permezz ta’ delegazzjonijiet mill-pajjiżi differenti (delegazzjonijiet nazzjonali). Kull Kap tad-Delegazzjoni jirrappreżenta partit nazzjonali, jew delegazzjoni magħmula minn diversi partiti nazzjonali, fi ħdan il-Grupp.

Skopri kif l-MEPs li teleġġu jirrappreżentaw l-interessi tiegħek dwar temi leġislattivi u politiċi fuq livell Ewropew.

Pin imwaħħla fuq mappa

Nirrapreżentawk fil-Parlament Ewropew

L-MEPs jirrappreżentaw ukoll fuq livell Ewropew billi huma membri ta’ Kumitati tal-Parlament Ewropew ma’ rappreżentanti ta’ pajjiżi oħrajn.

Hawnhekk, u fil-plenarja, l-MEPs jivvutaw biex jimplimentaw il-politika taċ-ċentru lemin maqbula fi ħdan il-Grupp u stabbilita fil-programm politiku tagħna.

Il-Grupp tal-PPE kien l-ewwel grupp li ħoloq struttura formali biex jiġu stabbiliti relazzjonijiet b’saħħithom mal-partiti tal-PPE rappreżentati fil-parlamenti nazzjonali.

Aħna nemmnu li d-djalogu politiku mal-gruppi fil-parlamenti nazzjonali jgħinna biex ngħinu lill-UE tirrispondi aħjar għall-bżonnijiet taċ-ċittadini. Barra minn hekk, issaħħaħ ukoll il-leġittimità tal-prijoritajiet u inizjattivi tagħna fil-PE.

Billi naħdmu flimkien, aħna nagħmlu liġijiet aħjar, nkunu aktar viċini taċ-ċittadini u nsaħħu d-demokrazija Ewropea.