Għażel pajjiż
Agħżel il-pajjiż tiegħek biex issegwi l-aħbarijiet mill-MPE lokali tiegħek:
Il-pajjiżi ta' hawn taħt ma jippubblikawx kontenut bil-lingwa tiegħek. Agħżel il-pajjiż jekk trid issegwi aħbarijiet bl-Ingliż jew bil-lingwa(i) nazzjonali tagħhom:
Il-Lingwa magħżula: Malti
X'qed tfittex?
22.10.2020 15:35
Roberta Metsola nominata bħala l-ewwel Viċi President tal-Parlament Ewropew
Il-Membru tal-Parlament Ewropew għal Malta u Għawdex, Roberta Metsola rebħet l-elezzjoni tan-nomina tal-Grupp PPE għall-ewwel Viċi President tal-Parlament Ewropew.
L-MPE Metsola, il-Kap tad-Delegazzjoni tal-PN fil-Parlament Ewropew, rebħet l-elezzjoni b’65% tal-voti tal-PPE, li saret ilbieraħ filgħaxija. F’Novembru se jittieħed vot mill-ewroparlamentari kollha fil-Parlament Ewropew biex jiġi kkonfermat dan l-irwol il-ġdid.
Jekk l-Membru Parlamentari Ewropew Metsola tiġi kkonfermata bħala l-ewwel Viċi-President, hija tkun qed tokkupa t-tieni l-iktar pożizzjoni għolja fil-Parlament Ewropew, wara l-President.
Ftit wara l-vot, l-ewroparlamentari Metsola qalet “bħala xi ħadd li ġejja minn Malta u Għawdex, dan huwa mument importanti għalija, għal Malta u għall-Partit Nazzjonalista. Se naħdem ħafna biex inkompli nimbotta ’l quddiem il-kwistjonijiet li l-iktar jgħoddu għall-ħajja ta’ kuljum tan-nies u naħdem biex il-proċess tat-teħid tad-deċiżjonijiet Ewropew ikun eqreb lejn in-nies li jkunu qed jiġu milquta. Huwa ta’ unur u privileġġ li ġejt innominata u se nagħmel ħilti kollha biex inrodd lura l-fiduċja li n-nies urew fija."
Nota lill-edituri
Il-Grupp tal-PPE huwa l-akbar grupp politiku fil-Parlament Ewropew b'187 Membru mill-Istati Membri kollha.
MEP
David STELLINI
eks impjegat
6 / 50