Temm il-vjolenza kontra n-nisa

In-nisa huma sikuri fl-Ewropa. Jew verament? Huwa estremament allarmanti li terz tan-nisa fl-UE esperjenzaw xi forma ta' vjolenza fiżika u/jew sesswali minn meta kellhom 15-il sena.

M'għandniex tolleranza għal ebda forma ta' vjolenza kontra n-nisa u t-tfajliet u għandna determinazzjoni ta' 100% biex niġġielduha. Fil-fatt, il-Grupp EPP mexxa l-adeżjoni tal-UE għall-Konvenzjoni ta' Istanbul. Għal l-ewwel darba, se jkollna trattat internazzjonali li jkun legalment vinkolanti biex niġġieldu l-vjolenza kontra n-nisa.

Barra minn hekk, mexxejna wkoll in-negozjati għal Direttiva dwar il-ġlieda kontra l-vjolenza fuq in-nisa u l-vjolenza domestika. Din id-Direttiva ġdida tal-UE tikkriiminalizza żewġ tipi ta' vjolenza sesswali u ħames tipi ta' reati fuq l-internet kontra n-nisa.

Madankollu, niddispjaċina ħafna li ma ntlaħaqx ftehim dwar il-kriminalizzazzjoni tal-istupru. Iżda rnexxielna ninkludu fid-Direttiva rekwiżiti biex jippromwovu r-rwol ċentrali tal-kunsens fir-relazzjonijiet sesswali u biex jittieħdu miżuri mmirati għall-prevenzjoni tal-istupru.

In-nisa jridu jkunu ħielsa mill-biża' kullimkien fl-Ewropa.