Għażel pajjiż
Agħżel il-pajjiż tiegħek biex issegwi l-aħbarijiet mill-MPE lokali tiegħek:
Il-pajjiżi ta' hawn taħt ma jippubblikawx kontenut bil-lingwa tiegħek. Agħżel il-pajjiż jekk trid issegwi aħbarijiet bl-Ingliż jew bil-lingwa(i) nazzjonali tagħhom:
Il-Lingwa magħżula: Malti
X'qed tfittex?
16.12.2020 12:32
“Hu l-attakk fuq l-Inkjesta ta’ Daphne li se jkollu l-konsegwenzi” - David Casa
“Il-Gvern Malti qed jirreżisti, b’mod b’saħħtu, li titwaqqaf l-inkjesta indipendenti fiċ-ċirkustanzi dwar l-assassinju tal-ġurnalista investigattiva Daphne Caruana Galizia. Issa li l-verità qed toħroġ, dawn qed jagħmlu dak kollu possibbli biex iwaqqfuha. L-inkjesti pubbliċi għandhom jitħallew jagħmlu xogħolhom b’mod trankwill - mingħajr ebda indħil, pressjoni u intimidazzjoni,” qal il-Membru tal-Parlament Ewropew David Casa b’reazzjoni għall-isforzi tal-Prim Ministru Robert Abela biex iwaqqaf l-inkjesta qabel tlesti xogħolha.
“Daphne Caruana Galizia kienet intimidata u attakkata f’ħajjitha mill-istess Gvern li jrid li jagħlaq l-inkjesta fil-qtil tagħha. Dan hu inaċċettabbli. L-isforzi tal-Gvern biex iżarma, jimmina u joqtol il-kredibilità tal-inkjesta se jkollhom il-konsegwenzi.
Daphne Caruana Galizia kixfet il-korruzzjoni u l-ħasil tal-flus fl-ogħla livelli tal-Gvern Malti. L-allegat moħħ wara l-qtil tagħha nkixef li hu involut f’attivitajiet mal-Uffiċċju tal-eks Prim Ministru Joseph Muscat. Jien għandi messaġġ ċar għall-Gvern Malti: ħalli l-inkjesta bi kwieta jekk trid tkun kredibbli, meta tgħid li sar progress dwar is-saltna tad-dritt.”
L-MEP Casa se jieħu din il-kwistjoni wkoll quddiem il-President tal-Kummissjoni Ewropea Ursula von der Leyen u l-Viċi President tal-Kummissjoni għall-Valuri u t-Trasparenza Vera Jourova, biex jinfurmahom dwar dawn l-iżviluppi u l-attentati tal-Gvern Malti li jindaħal fil-proċess ġudizzjarju.
Nota lill-edituri
Il-Grupp tal-PPE huwa l-akbar grupp politiku fil-Parlament Ewropew b'187 Membru mill-Istati Membri kollha.
Quaestor
David STELLINI
eks impjegat
6 / 50