Għażel pajjiż
Agħżel il-pajjiż tiegħek biex issegwi l-aħbarijiet mill-MPE lokali tiegħek:
Il-pajjiżi ta' hawn taħt ma jippubblikawx kontenut bil-lingwa tiegħek. Agħżel il-pajjiż jekk trid issegwi aħbarijiet bl-Ingliż jew bil-lingwa(i) nazzjonali tagħhom:
Il-Lingwa magħżula: Malti
X'qed tfittex?
04.09.2019 13:27
Il-MPE Metsola ġġedded il-pressjoni għall-inkjesta dwar Daphne Caruana Galizia
Waqt li l-iskadenza tal-Kunsill tal-Ewropa riesqa ġmiela, għall-PM Joseph Muscat, sabiex jordna inkjesta pubblika indipendenti dwar il-qtil ta’ Daphne Caruana Galizia, il-Membru tal-Parlament Ewropew għal Malta u Għawdex, Roberta Metsola llum stiednet lill-Presidenza Finlandiża l-ġdida tal-Kunsill tal-Ewropa biex tingħaqad mal-isforzi tal-ħafna li qed jitolbu inkjesta pubblika.
Illum, Metsola tkellmet fil-Parlament Ewropew waqt dibattitu dwar il-prijoritajiet tal-Presidenza, mal-Ministri Finlandiżi tal-Ġustizzja u l-Intern. Il-MPE Metsola - li hija wkoll il-Koordinatur tal-Grupp parlamentari tal-PPE dwar dawn il-kwistjonijiet - qalet li l-libertà tal-istampa hija intrinsikament marbuta mat-tħaddim xieraq tal-istat tad-dritt u r-rispett għad-demokrazija. "L-Ewropa rat żewġ ġurnalisti maqtula, cioe Daphne Caruana Galizia u Jan Kuciak, it-tnejn maqtula brutalment fi żmien xahar minn xulxin. Il-Kunsill tal-Ewropa insista fuq inkjesta indipendenti li għandha titnieda dan ix-xahar u l-Istati Membri għandhom jissieħbu fis-sejħa biex tkun assigurata ġustizzja wkoll ”.
Fit-tweġiba tagħhom il-Ministri qalu li l-protezzjoni tal-istat tad-dritt hija essenzjali f'kull Stat Membru u l-Presidenza se tipproponi mekkaniżmu dwar l-istat tad-dritt u rapport annwali biex tanalizza dan.
Dwar il-migrazzjoni, il-MPE Metsola tenniet li s-sistema li tipprovdi ċertezza għal tfittxija, salvataġġ u żbark hija meħtieġa bil-kbir, flimkien ma' sett konkret ta' miżuri li jippermettu l-qsim tar-responsabbiltà bejn l-Istati Membri kollha. "Din mhix sitwazzjoni li tista' jew għandha tiġi ttrattata biss minn Stati Mediterranji bħal Malta, l-Italja, il-Greċja jew Spanja. Hemm ħafna x’ jista’ jsir għax hemm lok għal titjib”.
Nota lill-edituri
Il-Grupp tal-PPE huwa l-akbar grupp politiku fil-Parlament Ewropew b'182 Membru minn 26 Stat Membru.
David STELLINI
eks impjegat
6 / 50