Il-bini ta' ekonomija tas-suq soċjali li tieħu ħsieb

Ir-rivoluzzjoni diġitali li qed ngħaddu minnha bħalissa qed twassal għal progress tekniku bla preċedent u opportunitajiet kummerċjali ġodda li se jibdlu għal dejjem il-mudelli ekonomiċi, is-sistemi soċjali u s-suq tax-xogħol.

Il-Grupp PPE jappoġġja t-titjib tal-ħiliet tal-forza tax-xogħol fid-dixxiplini diġitali u ekoloġiċi biex tiġi żgurata l-kompetittività tal-Unjoni tagħna. Għalhekk, nħeġġu lill-UE biex tippromwovi talent ġdid u eżistenti, b'fokus fuq il-flessibbiltà, it-titjib tal-ħiliet u t-tagħlim tul il-ħajja. Nixtiequ suq wieħed li jaħdem għal kulħadd, mingħajr ħadd jitħalla warajh. Kull Ewropew, irrispettivament mill-isfond tiegħu, jistħoqqlu ċans ġust biex jaqla' l-għajxien u jħaddan il-mod Ewropew ta' ħajja.

Nemmnuna li l-valuri demokristiċi tagħna huma l-aqwa punt ta' bidu biex niddisinjaw il-futur għax jgħaqqdu l-aħjar mill-modi ta' ħsieb konservattivi, liberali u soċjali-kristjani.